सर्चअलनेपाल
दाङको तुलसीपुर उपमहानगरपालिका– ५ ‘ङ’ लाइनस्थित एक घरमा भीषण आगलागी हुँदा ५ जनाको ज्यान गएको छ ।
इरम फुटवेयर चप्पल गोदाम रहेको चार तले घरमा मध्यराती आगलागी हुँदा ५ जनाको ज्यान गएको इलाका प्रहरी कार्यालय तुलसीपुरका डिएसपी श्यामु अर्यालले काठमाडौं प्रेसलाई बताए ।
मृत्यु हुनेमा ४ पुरूष र १ बालिका रहेका छन्। मृतकको सनाखत हुन सकेको छैन् । बिहान करिब २ बजेदेखि सुरु भएको आगलागी बिहान ५ बजे नियन्त्रणमा लिईएको डिएसपी अर्यालले जानकारी दिए ।
इलाका प्रहरी कार्यालय तुलसीपुर, नेपाली सेना, सशस्त्र प्रहरी, स्थानीय तथा तुलसीपुर र घोराही उपमहानगरपालिकाको दमकलले आगो नियन्त्रणमा लिएको हो । विद्युत सर्ट भएर आगो लागेको हुनसक्ने प्रहरीको अनुमान छ ।
