खोकनाको गणनृत्यलाई हरिसिद्धि, पाटनका विभिन्न स्थान, काठमाडौंको हनुमानढोका, पशुपतिका विभिन्न पीठहरुमा स्वागत गरी सिकाली इन्द्रायणीदेवीको पूजा निरन्तर चलाउँदै आइरहेको छ । तर १२ वर्षे गणनृत्यमा सहभागी देवगणलाई कीर्तिपुरमा आमन्त्रण गरी सम्मान भोज खुवाउने परम्परा करिब ४०० वर्षदेखि टुटेको थियो । सोही परम्पराको पुनर्जागरणका लागि यही माघ १३ गतेदेखि ससःत्वाःले खोकनाका देवगणलाई सम्मान भोज खुवाउने परम्परा पुनः निरन्तरता दिन लागेको हो ।