२६ भदौ, काठमाण्डौ, संविधान सभा अध्यक्ष एवम् नेकपा एमालेका उपाध्यक्ष सुवास नेम्वाङको आज बिहान त्रिवि शिक्षण अस्पतालमा  निधन भएको खबरले सिङ्गो देश नै शोकमा डुबेको छ । नेम्वाङ गएराती   आफ्नो निवास भित्रकै शौचालयमा बेहोस अवस्थामा फेला परेपछि परिवारका सदस्यहरुले त्रिवि शिक्षण अस्पताल पुर्याउँदा अस्पतालले मृत घोषणा गरेको थियो । उनको पार्थिव शरीर  आज दिनभर  नेकपा एमालेको मुख्यालय च्यासलमा राखी उनीप्रति श्रद्धाञ्जली अर्पण गर्ने कार्यक्रम छ । आजै  मंगलबार बिहान बसेको मन्त्रिपरिषद्को आकस्मिक बैठकले नेम्वाङको राजकीय सम्मानका साथ अन्त्येष्टि गर्ने  सो दिन सार्वजनिक बिदा दिने निर्णय गरेको  सस्कृती मन्त्री सुदन किरातिले  जानकारी दिएका छन ।