असोज १, २०८० काठमाण्डौ, नेपाली नारीहरुको महान चाड तीज आज भाद्र शुक्ल तृतीया का दिन  श्रद्धाका साथ पशुपतीनाथ मन्दिर परिसर  लगायत  शिवालयहरुमा भेला भएर देशभर धुमधामसित तीज पर्व मनाइदै छ । रंगीचंगी बस्त्रमा सजिएका व्रतालुहरु  श्रद्धालु भक्तजनहरु तीजको अवसरमा शिवालयहरुमा नाचगान गरिरहेका छन् । सत्ययुगमा हिमालय पुत्री पार्वतीले तपस्या गरेर श्री महादेव पति पाएको विश्वासमा यो व्रत सुरु भएको पौराणिक मान्यता छ । भाद्र शुक्ल तृतीयामा निराहार व्रत बसी शिव पार्वतीको पूजा, उपासना गरेमा मनोकामना पूरा हुने,  पारिवारिक सुख शान्ति र कल्याणको प्राप्ति हुने धार्मिक विश्वास रहेको हुँदा अविवाहित महिलाले राम्रो पति पाउने र विवाहित महिलाले परिवार र श्रीमानको राम्रो होस् भन्ने कामना  सहित व्रत बस्ने चलन छ ।