वि. सं. २०२२ सालमा प्युठान जस्तो विकट जिल्लामा जन्मेर विभिन्न दुःख कष्ट हरु पार गरि त्रिभुवन विश्वविद्यालयको चिकित्साशास्त्र अध्ययन संस्थानको सहायक प्रध्यापक सम्मको जिम्मेवारी करिब ८ वर्षसम्म बहन गरि आफ्नै जिल्लामा सेवा गरिरहेका डा. लेकराज सुवेदी एक ब्रहमचारी व्यक्ति पनि हुनुहुन् । आजसम्म पनि उहाँको कहि कतै घर घडेरी छैन् । बिहेवारी भएको छैन् । रात दिन बिरामीको सेवा गरिरहेका डाक्टरले घरमा करिब सय बर्ष उमेरकी बृद्ध आमालाई रेख देख पनि गर्नु हुन्छ । शस्त्र द्धन्द कालमा माओवादी र सरकार पक्ष दुबैको निस्वार्थ उपचारमा संलग्न रहेको कुरा पनि बताए ।

डा. सुवेदीको निःशुल्क बिरामी हेरेर भोकै मर्देन भन्ने सिद्धान्तले उनले जिल्लामा धेरै मात्रामा रहेका गरिब, असाहय, अशक्त बिरामीहरुलाई सेवा गरिरहेको बताए । आजको समयमा चिकित्सक जस्तो व्यक्तिले निःशुल्क सेवा गरेको विरलै पाईन्छ र त उनलाई एक सन्त डाक्टर भन्दछन् ।